"Челси" яримҳимоячиси Фрэнк Лэмпард Англия кубоги финалидаги ғалаба таасуротлари билан ўртоқлашди ва чемпионлар лигаси финали ҳақида фикр юритди.
"Бу мавсум оғир бўлди. Англия кубогини олишимиз бошқача руҳ берди. Қанчалик улғая борсангиз, ғалаба таъми шунчалик ширин туюлаверар экан, бу абадий эмаслигини ҳис қилар экансиз.
Олдимизда яна бир имконият турибди, чемпионлар лигаси финалида нималар бўлишини ким билади? Финал - бу ҳар доим бошқача ўйин бўлиб келган. Бизни қийин ўйин кутиб турибди. Аммо биз ўзимизга ишонамиз ва натижага етишамиз деб умид қиламан.
"Челси" чемпионлар лигасида ғалабага яқин келган. Лекин ҳар доим нимадир етишмаган. Мана, яна бир ошиб ўтиш лозим бўлган тўсиқ пайдо бўлди. Бунга эришиш учун бор кучимизни ишга соламиз", - дея Лэмпарднинг сўзларини келтиради Goal.com.
