"Манчестер Юнайтед" бош мураббийи Ральф Рангник АПЛнинг 34-тури доирасидаги "Арсенал"га (1:3) қарши ўйиндан сўнг жамоанинг Чемпионлар лигаси зонасига чиқиш имкониятларига баҳо берди.
“Биз кучли 4 таликка кириш имкониятимизни йўқотдикми? Ишончим комилки, ҳа. Мен учун ўйиндан олдин ҳам Чемпионлар Лигаси зонасига киришимиз даргумон эди. Ва бугунги натижадан кейин, албатта, ҳеч қандай имконият йўқ", - деди Рангник.
"Манчестер Юнайтед" 41 йил ичида биринчи марта АПЛ доирасидаги сафарда кетма-кет тўртта ўйинда мағлуб бўлди.
Манкунианликлар 34 ўйиндан кейин 54 очко билан АПЛ турнир жадвалида олтинчи ўринда бормоқда.