"Интер" ҳимоячиси Дензел Думфрисга "Тоттенхэм" қизиқиш билдирмоқда.
"Интер"нинг собиқ устози Антонио Конте бошчилигидаги Лондон клуби 26 ёшли футболчи учун деярли 24 миллион евролик таклиф тайёрлаган, дея хабар беради журналист Экрем Қўнғир. "Интер" Думфрисни қўйиб юборишга тайёр, аммо унинг учун 40 миллион евро таклиф қилинсагина.
Нидерландия терма жамоаси футболчисининг трансфер нархи Transfermarkt томонидан 20 миллион еврога баҳоланган. Думфрис жорий мавсумда “нерадзуррилар” сафида 39 та ўйинда майдонга тушиб, барча мусобақаларда 4 та гол ва 7 та голли узатмани амалга оширди.
