"Inter" himoyachisi Denzel Dumfrisga "Tottenxem" qiziqish bildirmoqda.

"Inter"ning sobiq ustozi Antonio Konte boshchiligidagi London klubi 26 yoshli futbolchi uchun deyarli 24 million yevrolik taklif tayyorlagan, deya xabar beradi jurnalist Ekrem Qo‘ng‘ir. "Inter" Dumfrisni qo‘yib yuborishga tayyor, ammo uning uchun 40 million yevro taklif qilinsagina.

Niderlandiya terma jamoasi futbolchisining transfer narxi Transfermarkt tomonidan 20 million yevroga baholangan. Dumfris joriy mavsumda “neradzurrilar” safida 39 ta o‘yinda maydonga tushib, barcha musobaqalarda 4 ta gol va 7 ta golli uzatmani amalga oshirdi.