Дарвозабон Мануэль Нойер «Бавария» билан янги шартнома имзолашга яқин турибди.

36 ёшли мюнхенликлар сардорининг амалдаги шартномаси келаси йил ёзида тугайди, бироқ томонлар 2023/24 йилги мавсум охиригача амал қиладиган янги шартнома шартларини келишиб олишди, дея хабар беради инсайдер журналист Николо Скира. Олдинроқ «Бавария» президенти Германия терма жамоаси дарвозабони билан музокаралар жуда ижобий кетаётганини тан олганди.

Мануэль Нойер жорий мавсум «Бавария» сафида 37 та ўйинда майдонга тушди. Унинг қўл остида жамоа ўз дарвозасидан 34 та гол ўтказиб юборди ва 14 марта ўз дарвозаси дахлсизлигини сақлаб қолишга муваффақ бўлди. Умуман олганда, Нойер 2011 йилда «Шальке»га ўтганидан бери клуб учун 500 га яқин ўйин ўтказди.