«Атлетико Мадрид» «Бенфика» ҳужумчиси Дарвин Нуньесга қизиқиш билдирмоқда, деб хабар беради Mundo Deportivo.

Манбанинг ёзишича, ҳужумчи позициясини мустаҳкамлаш «матрасчилар» раҳбариятининг ёзги трансфер ойнасидаги асосий мақсади ҳисобланади. Уругвайликдан ташқари «Атлетико» «Интер»нинг аргентиналик ҳужумчиси Лаутаро Мартинес номзодини кўриб чиқмоқда. «Бенфика» ўз етакчисидан 100 миллион эвродан камига хайрлашмоқчи эмас.

Нуньеснинг Лиссабон клуби билан шартномаси 2025 йилнинг ёзига қадар тузилган. Трансфермаркт Португалия терма жамоаси ҳужумчисини 40 миллионга баҳоламоқда.

Португалия чемпионатининг жорий мавсумида 22 ёшли Нуньес 26 та ўйинда майдонга тушиб, 25 та гол ва 4 та голга ассистентлик қилди. Шунингдек, футболчи Чемпионлар лигасининг 10 та ўйинида 6 та гол урган.