«Atletiko Madrid» «Benfika» hujumchisi Darvin Nunyesga qiziqish bildirmoqda, deb xabar beradi Mundo Deportivo.

Manbaning yozishicha, hujumchi pozisiyasini mustahkamlash «matraschilar» rahbariyatining yozgi transfer oynasidagi asosiy maqsadi hisoblanadi. Urugvaylikdan tashqari «Atletiko» «Inter»ning argentinalik hujumchisi Lautaro Martines nomzodini ko‘rib chiqmoqda. «Benfika» o‘z yetakchisidan 100 million evrodan kamiga xayrlashmoqchi emas.

Nunyesning Lissabon klubi bilan shartnomasi 2025 yilning yoziga qadar tuzilgan. Transfermarkt Portugaliya terma jamoasi hujumchisini 40 millionga baholamoqda.

Portugaliya chempionatining joriy mavsumida 22 yoshli Nunyes 26 ta o‘yinda maydonga tushib, 25 ta gol va 4 ta golga assistentlik qildi. Shuningdek, futbolchi Chempionlar ligasining 10 ta o‘yinida 6 ta gol urgan.