«Барселона» бош мураббийи Хави Эрнандес вингер Ансу Фати қачон майдонга тушишини айтди.
19 ёшли футболчи қишдан бери майдонга тушмаяпти. Жароҳати туфайли у жорий мавсумнинг катта қисмини ўтказиб юборди.
Хавининг сўзларига кўра, Фати аллақачон машғулотларга тўлиқ қайтган ва май ойи бошида майдонга тушишга тайёр: «Агар у билан ҳаммаси яхши бўлса, у «Мальорка»га қарши навбатдаги ўйинда биз билан бирга бўлади. У жамоа машғулотларида тўлиқ иштирок этмоқда. Бу биз учун ижобий ва бу бизга ёрдам бериши мумкин», дейди Хави
«Барселона» – «Мальорка» учрашуви 1 май куни бўлиб ўтади. Бунгача каталонияликлар «Райо Вальекано»га қарши баҳс олиб боришади – учрашув бугун бўлиб ўтади.
