«Barselona» bosh murabbiyi Xavi Ernandes vinger Ansu Fati qachon maydonga tushishini aytdi.
19 yoshli futbolchi qishdan beri maydonga tushmayapti. Jarohati tufayli u joriy mavsumning katta qismini o‘tkazib yubordi.
Xavining so‘zlariga ko‘ra, Fati allaqachon mashg‘ulotlarga to‘liq qaytgan va may oyi boshida maydonga tushishga tayyor: «Agar u bilan hammasi yaxshi bo‘lsa, u «Malyorka»ga qarshi navbatdagi o‘yinda biz bilan birga bo‘ladi. U jamoa mashg‘ulotlarida to‘liq ishtirok etmoqda. Bu biz uchun ijobiy va bu bizga yordam berishi mumkin», deydi Xavi
«Barselona» – «Malyorka» uchrashuvi 1 may kuni bo‘lib o‘tadi. Bungacha kataloniyaliklar «Rayo Valyekano»ga qarshi bahs olib borishadi – uchrashuv bugun bo‘lib o‘tadi.
