«Манчестер Сити» бош мураббийи Пеп Гвардиола «Уотфорд» устидан қозонилган ғалабасидан сўнг (5:1) Александр Зинченко ҳақида фикр билдирди.
Украиналик ҳимоячи кечаги ўйинда тўлиқ ўйнади ва Габриел Жезусга голли узатма берди.
«Биринчидан, бу Алекс учун қийин давр. Унинг қариндошлари яшайдиган мамлакатида нималар содир бўлди... Одамлар аллақачон Украинани унутиб қўйишди, биз бу ҳақда гапиришни тўхтатдик, уларни қўллаб-қувватлашда ҳозир байроқлар йўқ. Алекс эса бунда ҳар куни яшайди.
Бу шахсан унинг учун қийин давр, лекин у ўйинни яхши ўтказди, голга ассистентлик қилди. У доимо диққатини жамлайди. Уни кийиниш хонасида жуда қадрлашади», - деди «Манчестер Сити» бош мураббийи.
