«ПСЖ»нинг бразилиялик ҳимоячиси Маркиньос «Реал» билан кечган УЕФА Чемпионлар лигаси 1/8 финал жавоб ўйинида (1:3) учралган мағлубиятдан жуда хафа бўлганини тан олди.
«Ушбу ўйинни ҳазм қилиш қийин бўлди. Биз футболчилар биринчи бўлиб бундай оғир лаҳзаларни бошдан кечирдик.
Бу биз учун муҳим ўйин бўлди. Эртаси куни мен учун жуда қийин бўлди, томоғимдан овқат ўтмади. Бензема ажойиб эди.
Балки ўша учрашувда кўпроқ ўзимнинг ҳаракатларимга эътибор қаратишим керак эди. Баъзан сиз бошқалар ҳақида ва сизни ўраб турган нарсалар ҳақида жуда кўп ўйлаб юборасиз», - дейди Маркиньос.
