«Манчестер Юнайтед»нинг янги бош мураббийи Эрик тен Хаг таркибни кучайтириш имкониятига эга бўлади.
ESPN нашри хабарига кўра, нидерландиялик мутахассис трансферлар учун 100 миллиондан 150 миллион фунтгача олади, таркибдаги футболчилар сотилган тақдирда қўшимча маблағ ажратилади.
"Манкунианликлар" Эрик Байи, Фил Жонс, Алекс Теллес, Аарон Ван-Биссака ва Антони Марьсяллар бўйича тушадиган таклифларни кўриб чиқишга тайёр.
Қайд этилишича, ярим ҳимоячилар Неманя Матич, Пол Погба, Жесси Лингард, Хуан Мата ва ҳужумчи Эдинсон Каванилар жамоани эркин агент сифатида тарк этиши мумкин.
Дарвозабон Дин Хендерсоннинг ўзи кетишни хоҳламоқда, аммо «Манчестер Юнайтед» уни ижарага беришни афзал кўрмоқда.
Шунингдек, Тен Хаг ўзининг ўйин тизими дарвозабон Давид Де Хеага мос келишига шубҳа қилмоқда, аммо ҳозир трансфер бозорида бошқа муҳимроқ вазифалар мавжуд.
«Манчестер Юнайтед»нинг устувор йўналишлари қаторида ҳужумчи ва камида битта ярим ҳимоячи сотиб олиш бор.
