«Ювентус» «ПСЖ» ярим ҳимоячиси Анхель ди Марияни ўз сафига қўшиб олмоқчи, дея хабар бермоқда журналист Экрем Конур ўзининг ижтимоий тармоқларидаги саҳифаси орқали.
Манбага кўра, Турин клуби раҳбарияти 34 ёшли аргентиналик футболчига 1+1 кўринишидаги шартнома таклиф қилмоқда, бироқ футболчининг ўзи уч йиллик шартнома имзолаш ниятида.
Эслатиб ўтамиз, вингернинг парижликлар билан шартномаси шу ёзда якунига етади ва мавсум охирида у эркин агентга айланади.
Жорий мавсумда Ди Мария Франция жамоаси сафида 27 та ўйин ўтказиб, 3 та гол ва 7 та голли узатмани амалга оширди. Аргентиналик футболчи 2015 йилдан буён «ПСЖ»да ўйнаб келмоқда. У аввалроқ «Бенфика», «Манчестер Юнайтед» ва «Реал»да ўйнаган.
