«Ньюкасл» «Манчестер Юнайтед» ярим ҳимоячиси Поль Погбани ўз сафига қўшиб олмоқчи, дея хабар беради инсайдер Фабрицио Романо ўзининг ижтимоий тармоқларидаги саҳифасида.
Манбага кўра, инглиз клуби франциялик футболчи билан 2025 йилгача шартнома имзолашни режалаштирган.
Аввалроқ Погба фаолиятини «Реал» ёки «ПСЖ»да давом эттириши мумкинлиги ҳақида хабарлар тарқалган эди.
Жорий мавсумда 29 ёшли франциялик манкунианликлар сафида 27 та ўйин ўтказиб, 1 та гол ва 9 та голли узатмани амалга оширган.
Ярим ҳимоячининг «қизил иблислар» билан шартномаси шу ёзда якунига етади. Футболчи 2016 йилдан бери «Манчестер Юнайтед» сафини ҳимоя қилиб келмоқда. Кеча Погба жамоадошлари билан хайрлашгани ҳақида маълумот пайдо бўлди.
