«Милан»нинг собиқ ҳужумчиси Антонио Кассано «россонерилар»нинг ҳозирги ҳолатини 2016 йилда Англия чемпионига айланган «Лестер» билан таққослади.

«Агар «Милан» чемпионликни қўлга киритса, бу 2016 йилда «Лестер»нинг мўъжизаси каби бўлади. Кўпчилик «Милан» тўртинчи ёки бешинчи ўринни эгаллашини башорат қилишган, аммо улар барибир турнир жадвалида биринчи ўринда қолмоқда. Мальдини тўғри гапирди. «Милан» сўнгги 20 йил ичида атиги икки марта чемпион бўлган. Тўғри, бу «Лестер»никига ўхшамайди, лекин жуда ўхшаш», — деди Кассано.

Эслатиб ўтамиз, эндиликда «Милан» А серияда «Интер»дан икки очкога ортда қолиб, иккинчи ўринни эгаллаб турибди. Айтганча, Симоне Инзаги шогирдлари ҳисобида битта заҳира ўйини бор.