"Манчестер Юнайтед" ҳужумчиси Маркус Рэшфорд жамоани тарк этмоқчи эмас.
Маълумотларга кўра, футболчи Эрик Тен Хагнинг режаларидан ўрин олган ёки олмаганлигини билиш учун шахсан нидерландиялик мутахассис билан учрашмоқчи. Қўшимча қилинишича, Рэшфорднинг ўзи клубдан кетмоқчи эмас.
Форвард жамоанинг амалдаги бош мураббийи Ральф Рангник қўл остида кам ўйин амалиётига эга бўлаётганидан норози. Шунинг учун, у Тен Хаг билан бундай воқеа қайтарилмаслигига умид қилмоқда.
Англия терма жамоасининг 24 ёшли футболчисининг манкунианликлар билан амалдаги шартномаси 2023 йилнинг июнь ойи охиригача тузилган.
