"Реал Мадрид"нинг айрим футболчилар билан янги шартнома тузиш режалари маълум бўлди.
Журналист Фабрицио Романонинг ёзишича, ярим ҳимоячи Лука Модрич клуб билан 2023 йилгача янги шартнома тузмоқчи.
Шунингдек, "қаймоқранглилар" тез орада ҳужумчи Винисиус Жуниор ва ҳимоячи Эдер Милитау билан 2027 йилгача бўлган шартномаларни муҳокама қилади. Марко Асенсио ҳам испан жамоаси билан янги шартнома борасида музокаралар олиб бормоқда.
36 ёшли Модричнинг "Реал" билан амалдаги шартномаси 2022 йилнинг ёзига қадар мўлжалланган. 2021/22 йилги мавсумда у барча мусобақаларда 38 та ўйинда майдонга тушиб, 3 та гол урди ва 9 та голли узатмани амалга оширди.
