Франциянинг "Лилль" клуби ярим ҳимоячиси Эден Азар келаси фаолиятини Англия премьер-лигасида давом эттириши аниқ бўлиб турибди.
Айни пайтда футболчи учун, Манчестернинг иккала гранди, "Юнайтед" ҳам, "Сити" ҳам бирдек кураш олиб бораётганидан хабарингиз бор.
Футболчининг ўзи ҳам ўтган ҳафтада Манчестерга ташриф буюрди ва иккала жамоа вакиллари билан учрашиб олди.
Ҳозирда Франция чемпионатини якунланишини кутаётган футболчи, ўтган куни Canal+ телеканалидаги кўрсатувлардан бирида мехмон бўлди ва бир қатор кўпчиликни қизиқтираётган саволларга жавоб берди.
"Жумладан қайси рангни ёқтирасиз, қизилми ёки мовий?" деган саволга, "Менга ҳар иккала ранг ҳам бирдек маъқул" дея жавоб берган.
Аммо, кўрсатув якунига етгач, Азар журналистларга икки вариант ичида унга "Сити" варианти маъқул келаётганини ва ушбу жамоага ўтиш эъҳтимоли кўпроқ эканини яширмаган.
