"Реал" ҳужумчиси Лука Йович Бундеслигага қайтмоқчи, дея хабар беради Sky Sport Germany.
Илгари Йович Франкфуртнинг “Айнтрахт”ида ўйнаган, аммо 2019 йилда уни “Реал” катта пулга сотиб олганди.
Ваҳоланки, уч йил ичида ҳужумчи испан клуби сафида бор йўғи 49 та ўйин ўтказиб, атиги 3 та гол урган. 2020-21 йилги мавсумнинг иккинчи ярмида у Франкфуртга ижара асосида қайтди, лекин у ерда ҳам ўзини кўрсата олмади. "Реал"га қайтгандан сўнг клуб бош мураббийи Карло Анчелотти ҳужумчига яна бир имконият беришга қарор қилди, аммо у бундан фойдалана олмади.
Йович мавсум охирида Мадридни тарк этмоқчи. Маълумотларга кўра, ҳужумчи "Арсенал", "Тоттенхэм" ва "Вест Хэм" қизиқишларига қарамай, Бундеслигага қайтмоқчи.
