"Real" hujumchisi Luka Yovich Bundesligaga qaytmoqchi, deya xabar beradi Sky Sport Germany.

Ilgari Yovich Frankfurtning “Ayntraxt”ida o‘ynagan, ammo 2019 yilda uni “Real” katta pulga sotib olgandi.

Vaholanki, uch yil ichida hujumchi ispan klubi safida bor yo‘g‘i 49 ta o‘yin o‘tkazib, atigi 3 ta gol urgan. 2020-21 yilgi mavsumning ikkinchi yarmida u Frankfurtga ijara asosida qaytdi, lekin u yerda ham o‘zini ko‘rsata olmadi. "Real"ga qaytgandan so‘ng klub bosh murabbiyi Karlo Anchelotti hujumchiga yana bir imkoniyat berishga qaror qildi, ammo u bundan foydalana olmadi.

Yovich mavsum oxirida Madridni tark etmoqchi. Ma’lumotlarga ko‘ra, hujumchi "Arsenal", "Tottenxem" va "Vest Xem" qiziqishlariga qaramay, Bundesligaga qaytmoqchi.