"Арсенал" "Манчестер Сити" ҳужумчиси Габриэль Жезус учун 35 миллион фунт таклиф қилишга тайёр, дея хабар беради Football.london.
Олдинроқ Лондон клуби футболчининг вакиллари билан музокара бошлагани ҳақида маълумот пайдо бўлганди.
Александр Ляказеттнинг мавсум якунида жамоани тарк этиши мумкинлиги маълум бўлгач, "канонирлар" ҳозирда ҳужумчи изламоқда. Жезус ўз навбатида "Манчестер Сити"да асосий таркиб футболчиси эмаслигидан норози.
Аввалроқ, "шаҳарликлар" ҳужумчи Эрлинг Холанд билан шартнома имзолашга муваффақ бўлишса, ҳужумчини ўзида сақлаб қолмаслиги ҳам хабар қилинганди.
