"Arsenal" "Manchester Siti" hujumchisi Gabriel Jezus uchun 35 million funt taklif qilishga tayyor, deya xabar beradi Football.london.
Oldinroq London klubi futbolchining vakillari bilan muzokara boshlagani haqida ma’lumot paydo bo‘lgandi.
Aleksandr Lyakazettning mavsum yakunida jamoani tark etishi mumkinligi ma’lum bo‘lgach, "kanonirlar" hozirda hujumchi izlamoqda. Jezus o‘z navbatida "Manchester Siti"da asosiy tarkib futbolchisi emasligidan norozi.
Avvalroq, "shaharliklar" hujumchi Erling Xoland bilan shartnoma imzolashga muvaffaq bo‘lishsa, hujumchini o‘zida saqlab qolmasligi ham xabar qilingandi.
