Ҳимоячи Фелипе “Атлетико” билан шартномасини бир йилга узайтирди.
Футболчи 2019 йилда "Коринтианс"дан Мадрид клубига ўтган ва Диего Годиннинг ўрнига ажойиб ўринбосарга айланганди. Бироқ кейинги мавсумларда ҳимоячи бир қанча хатоларга йўл қўйди ва баъзида жамоанинг асосий таркибидан туша бошлади.
Дастлаб "Атлетико" Фелипега шартномани икки йилга узайтиришни таклиф қилганди, кейин томонлар қисқароқ муддатга келишиб олишди, деб хабар беради Маrcа. Ўйинчининг амалдаги шартномаси шу йилнинг ёзида якунига етиши керак эди.
Жорий мавсумда футболчи Ла Лигада 22 та ўйин ўтказиб, 2 та гол урди ва 1 та голли узатмани амалга оширди.
