Himoyachi Felipe “Atletiko” bilan shartnomasini bir yilga uzaytirdi.

Futbolchi 2019 yilda "Korintians"dan Madrid klubiga o‘tgan va Diyego Godinning o‘rniga ajoyib o‘rinbosarga aylangandi. Biroq keyingi mavsumlarda himoyachi bir qancha xatolarga yo‘l qo‘ydi va ba’zida jamoaning asosiy tarkibidan tusha boshladi.

Dastlab "Atletiko" Felipega shartnomani ikki yilga uzaytirishni taklif qilgandi, keyin tomonlar qisqaroq muddatga kelishib olishdi, deb xabar beradi Marca. O‘yinchining amaldagi shartnomasi shu yilning yozida yakuniga yetishi kerak edi.

Joriy mavsumda futbolchi La Ligada 22 ta o‘yin o‘tkazib, 2 ta gol urdi va 1 ta golli uzatmani amalga oshirdi.