"Бавария" ҳужумчиси Роберт Левандовски "Барселона"га ўтмоқчи ва бу муаммо тезроқ ҳал бўлишини кутмоқда, деб хабар беради Sport.es.

Аввалроқ, 33 ёшли футболчининг агенти Каталония клуби вакиллари билан учрашиб, футболчининг шахсий шартномасини муҳокама қилганди. Учрашув самарали ўтди ва Левандовски “Бавария”ни тарк этиб, “Барселона”га ўтишни истаётганини маълум қилди.

Левандовскининг мюнхенликлар клуби билан амалдаги шартномаси 2023 йилнинг июнигача амал қилади.

Эслатиб ўтамиз, польяк "Бавария"да 2014 йилдан бери тўп суради. 2021/22 йилги мавсумда ҳужумчи жамоаси сафида 43 та ўйинда майдонга тушиб, 48 та гол урди ва 6 та голли узатмани амалга оширди.