"Bavariya" hujumchisi Robert Levandovski "Barselona"ga o‘tmoqchi va bu muammo tezroq hal bo‘lishini kutmoqda, deb xabar beradi Sport.es.

Avvalroq, 33 yoshli futbolchining agenti Kataloniya klubi vakillari bilan uchrashib, futbolchining shaxsiy shartnomasini muhokama qilgandi. Uchrashuv samarali o‘tdi va Levandovski “Bavariya”ni tark etib, “Barselona”ga o‘tishni istayotganini ma’lum qildi.

Levandovskining myunxenliklar klubi bilan amaldagi shartnomasi 2023 yilning iyunigacha amal qiladi.

Eslatib o‘tamiz, polyak "Bavariya"da 2014 yildan beri to‘p suradi. 2021/22 yilgi mavsumda hujumchi jamoasi safida 43 ta o‘yinda maydonga tushib, 48 ta gol urdi va 6 ta golli uzatmani amalga oshirdi.