«Милан» ҳужумчиси Оливье Жиру А Сериянинг якунига тўрт тур қолганида чемпионлик учун кураш ҳақидаги фикрлари билан ўртоқлашди.

34-турдан кейин «Милан» 74 очко билан турнир жадвалида пешқадамлик қилмоқда. Яқиндагина «Болонья»дан мағлуб бўлган (1:2) «Интер» ҳисобида эса 72 очко бор.

«Биз «Лацио» устидан қозонилган ғалабага охиригача ишонган эдик ва мақсадимизга эришдик.

«Интер» «Болонья»га ютқазди, энди чемпионлик тақдири ўз қўлимизда. Биз дастлаб фаворит эмас эдик, аммо бундан буён фақат ўзимизга эътибор қаратишимиз керак.

Ҳаммаси ўзимизга боғлиқ, «Интер»нинг мағлубияти бизга қўшимча куч берди», дейди Жиру.