«Milan» hujumchisi Olivye Jiru A Seriyaning yakuniga to‘rt tur qolganida chempionlik uchun kurash haqidagi fikrlari bilan o‘rtoqlashdi.
34-turdan keyin «Milan» 74 ochko bilan turnir jadvalida peshqadamlik qilmoqda. Yaqindagina «Bolonya»dan mag‘lub bo‘lgan (1:2) «Inter» hisobida esa 72 ochko bor.
«Biz «Lasio» ustidan qozonilgan g‘alabaga oxirigacha ishongan edik va maqsadimizga erishdik.
«Inter» «Bolonya»ga yutqazdi, endi chempionlik taqdiri o‘z qo‘limizda. Biz dastlab favorit emas edik, ammo bundan buyon faqat o‘zimizga e’tibor qaratishimiz kerak.
Hammasi o‘zimizga bog‘liq, «Inter»ning mag‘lubiyati bizga qo‘shimcha kuch berdi», deydi Jiru.
