Туриннинг "Ювентус" клуби бош мураббийи Антонио Конте келаси ҳафтада жамоа билан янги шартномага имзо чекади. Бу ҳақда Corriere dello Sport нашри хабар бермоқда.
Контенинг амалдаги шартномаси 2013-йилнинг июнь ойида тугаши керак эди. Аммо, туринликлар раҳбарияти жамоага навбатдаги скудеттони олиб берган мутахассис билан амалдаги шартномани узайтиришга қарор қилган.
Манбаанинг айтишичиа, янги шартнома 2016-йилгача тузилади. Шартнома шартлари эса баён қилинмаган. Фақат шуниси аниққи, Антонио Конте жамоа билан шартномани узайтиришга жон деб рози бўлган.