"Манчестер Сити" ярим ҳимоячиси Фил Фоден тез орада "шаҳарликлар" билан шартномасини узайтириши мумкин. Журналист Фабрицио Романонинг ёзишича, ҳозирда Пеп Гвардиола жамоаси 2027 йилгача мўлжалланган янги шартнома устида фаол ишламоқда.
Фоден кетма-кет иккинчи мавсумдирки, "Манчестер Сити"нинг асосий жамоасида барқарор ўйинчи бўлиб келмоқда, бироқ шу билан бирга, инглиз футболчиси клубнинг маош олиш бўйича етакчи футболчилар қаторига кирмайди. Жамоа раҳбарияти келажакда Фоден жамоани тарк этишни истамаслиги учун буни тузатиш ниятида.
Жорий мавсумда Фоден Премьер-лигада 8 та гол ва 3 та голли узатмани амалга оширди.
