"Манчестер Сити" ҳимоячиси Кайл Уокер ушбу мавсумнинг қолган ўйинларида жамоасига ёрдам бермаслиги мумкин. Англиялик футболчи Чемпионлар лигасининг чорак финал жавоб ўйинида “Атлетико”га қарши ўйинда жароҳат олган, шундан сўнг у иккинчи бўлимда алмаштирилганди.

"Манчестер Сити" бош мураббийи Пеп Гвардиола бугун бўлиб ўтган матбуот анжуманида Уокернинг жорий мавсумда майдонга қайтиши мумкин эмаслигини билмаслигини айтди.

Қайд этилишича, Уокердан ташқари “Манчестер Сити”нинг яна бир ҳимоячиси, “Реал”га қарши Чемпионлар лигаси нимчорак финалининг биринчи ўйинида алмаштирилган Жон Стоунс навбатдаги “Лидс”га қарши ўйинни ўтказиб юборади.