«Арсенал» «Манчестер Юнайтед» ҳужумчиси Маркус Рэшфорд учун 50 миллион евро сарфлашга тайёр.

Football Insider хабарига кўра, 24 ёшли футболчи "канонирлар" бош мураббийи Микель Артетанинг трансфер мақсадлари рўйхатида биринчи ўринда туради.

Қайд этилишича, клуб футболчини сотиб олиш учун ўз бюджетидан 50 миллион еврога яқин маблағ ажратган.

Олдинроқ, келаси мавсумда "қизил иблислар"ни нидерландиялик мутахассис Эрик тен Хаг бошқариб бориши ва ҳужумчи янги бош мураббийнинг режаларига киритилмаслиги эҳтимоли юқорилиги хабар қилинганди.

Рэшфорд бу мавсумда "Манчестер Юнайтед" таркибида асосий таркибдан муқим жой эгаллай олмади.

У АПЛда 25 та ўйинда майдонга тушиб, 4 та гол урди ва 2 та голли узатмани амалга оширди.