Ҳозиргина Россиянинг Екатеринбург шахрида мамлакат кубоги финал баҳси ўз якунига етди.

Қозоннинг "Рубин" клуби финлада Москванинг "Динамо" клубини кичик, 1:0 ҳисобида мағлубиятга учратди ва ўз тарихида биринчи бор Россия кубогини қўлга киритди. 

Ўйиннинг 78-дақиқасида Роман Еременко томонидан узоқ масофадан туриб киритилган гол эвазига, қозонликлар кубокни ўз музейларига олиб кетадиган бўлишди.

Шундай қилиб, Қурбон Бердиев шогирдлари чемпионатда қандай ўринни эгаллашларидан қатъий назар, келаси мавсумда Европа лигасида ўйнаш ҳуқуқини қўлга киритишди.

Айни дамда "Рубин" Россия-премьер лигасида 7-ўринда бормоқда. Чемпионат якунланишига эса биргина тур қолди.

Финалда мағлубиятга учраган "Динамо" ҳам келаси йили Европа лигаси баҳсларида ўйнаш ҳуқуқини қўлга киритиб бўлди. Сабаби, москваликлар премьер-лигада кучли бешликка кира олишди.

Сўнгги тур олдидан уларда ЧЛга йўлланма берувчи иккинчи ўринни қўлга киритиш учун ҳам назарий жиҳатдан имконият бор. Бунинг учун улар сафарда "Кубан"ни мағлуб этишлари, "ЦСКА" ва "Спартак" жамоалари эса очко йўқотишлари шарт.

Динамо - Рубин- 0:1 (0:0)

Гол: Еременко 78, (0:1)

"Динамо": Шунин, Гранат, Рыков, Фернандес, Шитов (Епуряну 63'), Джуджак, Семшов, Самедов, Мисимович (Кокорин 82'), Воронин, Кураньи

"Рубин": Рыжиков, Ансалди, Навас, Шаронов, Кузьмин, Карадениз (Быстров 90+4'), Натхо, Р.Еременко, Рязанцев, Вальдес (Давыдов 90'), Дядюн (Боккетти 87')