«ПСЖ» Франция чемпионатининг 35-туридан ўрин олган илк учрашувда «Страсбург» билан дуранг ўйнади (3:3). Парижликлар сафида ҳужумчи Килиан Мбаппе иккита гол урди ва Ашраф Хакимийнинг голига ассистентлик қилди.
Шу тариқа, парижликлар барча мусобақаларда мавсумдаги 99, 100 ва 101-голларини киритишди.
«ПСЖ» кетма-кет 10-мавсумда барча мусобақаларда 100 та гол уришга эришди, дея хабар беради «ПСЖ» матбуот хизмати.
2012/13 йилги мавсумдан буён Европанинг "кучли бешлик" лигаларида бундай натижаларга фақат Мюнхеннинг «Бавария» клуби эришган.
"Биз ҳар доим ғалаба қозонишни истаймиз - бу энг муҳими, бу имкон қадар кўпроқ гол уриш, шунингдек, голли узатма бериш", - деб изоҳ берди "ПСЖ" бош мураббийи Маурисио Почеттино.