Каталониянинг "Барселона" жамоаси ўз ярим ҳимоячиси Нико Гонсалес билан амалдаги шартномани узайтиришни мақсад қилган, дея хабар берди Mundo Deportivo.

Манбага кўра, каталонияликлар раҳбарияти 20 ёшли иқтидорли футболчи учун бир неча Европанинг гранд клублари қизиқиш билдираётгани ҳақида хабардор. Энди "Барса" мутасаддилари тез орада Никонинг агенти билан учрашиб, унга 2027/28 йилгача мўлжалланган шартнома таклиф қилиш устида ишламоқда.

Эслатиб ўтамиз, Никонинг "блаугранас" билан амалдаги шартномаси 2024 йилнинг июнь ойи охирида якунига етади. Transfermarkt портали уни 25 миллион еврога баҳолаган.