"Валенсия" вингери Гонсало Гедешга "Вулверхэмптон" қизиқиш билдирмоқда.
Агар трансфер амалга ошса, футболчи клубдаги португалияликлар колониясини тўлдириши мумкин - яна бир португалиялик Рубен Невеш ва Педро Нето "бўрилар" лагерида тўп тепади.
Манбанинг қайд этишича, “кўршапалаклар” ёзда қанот ҳимоячиси билан хайрлашишга тайёр. Гедешнинг трансфер нархи 40 миллион еврога баҳоланмоқда. Футболчининг клуб билан амалдаги шартномаси 2023 йилнинг 30 июнида якунига етади.
Гонсало жорий мавсумда 37 та ўйинда майдонга тушиб, 13 та гол урган. Шунингдек, вингер олтита голли узатмани амалга оширди.
