"Valensiya" vingeri Gonsalo Gedeshga "Vulverxempton" qiziqish bildirmoqda.

Agar transfer amalga oshsa, futbolchi klubdagi portugaliyaliklar koloniyasini to‘ldirishi mumkin - yana bir portugaliyalik Ruben Nevesh va Pedro Neto "bo‘rilar" lagerida to‘p tepadi.

Manbaning qayd etishicha, “ko‘rshapalaklar” yozda qanot himoyachisi bilan xayrlashishga tayyor. Gedeshning transfer narxi 40 million yevroga baholanmoqda. Futbolchining klub bilan amaldagi shartnomasi 2023 yilning 30 iyunida yakuniga yetadi.

Gonsalo joriy mavsumda 37 ta o‘yinda maydonga tushib, 13 ta gol urgan. Shuningdek, vinger oltita golli uzatmani amalga oshirdi.