Гарет Бэйлнинг агенти Испания пойтахтида футболчи атрофидаги вазиятга изоҳ берди.

"У Мадридга доим жуда хурсанд бўлган, у ёшлигида келган, болалари шаҳарда туғилган, у коронавирус билан курашиш учун Испания касалхоналарига кўп пул ажратган, у шаҳарни ва унинг атрофини яхши кўради. У ҳақида ёмон гапирадиганлар паразитлардир”, - деди футболчи агенти.

Бэйлнинг «Реал» билан шартномаси шу ёзда тугайди ва футболчи аллақачон клубни тарк этишини эълон қилган. Испания чемпионатидаги ғалаба байрамида ҳам иштирок этмади.

«Реал» «Эспаньол»ни 4:0 ҳисобида мағлуб этиб, Ла Лига чемпионлигини муддатидан олдин қўлга киритди.

Бэйл бу мавсумда Ла Лигада атиги 5 та ўйинда майдонга тушиб, 1 та гол урди.