«Челси» раҳбарияти клубидаги инқироздан фойдаланиб, ярим ҳимоячи Мэйсон Маунтни «Манчестер Сити» ёки «Ливерпуль» ўзига жалб қилиши мумкинлигидан қўрқишмоқда, деб ёзади The Sun.
Мэйсон Маунтнинг шартномасини якунлашига икки йил қолди, аммо санкциялар клубга унга янги шартнома таклиф қилишига тўсқинлик қилмоқда.
«Челси» футболчи билан шартномани узайтириш бўйича музокараларни Роман Абрамовичга Буюк Британия ҳукумати томонидан санкция қўйишдан олдин бошлашни режалаштирганди.
23 ёшли Мэйсон Маунт ҳафтасига 70 000 фунт стерлинг маош оладиган «кўклар»нинг энг кам маош олувчи футболчиларидан бири ҳисобланади.
Маунт жорий мавсумда «Челси» сафида 29 та ўйинда майдонга тушиб, 10 та гол ва 9 та голли узатмани амалга оширди.
