«Chelsi» rahbariyati klubidagi inqirozdan foydalanib, yarim himoyachi Meyson Mauntni «Manchester Siti» yoki «Liverpul» o‘ziga jalb qilishi mumkinligidan qo‘rqishmoqda, deb yozadi The Sun.
Meyson Mauntning shartnomasini yakunlashiga ikki yil qoldi, ammo sanksiyalar klubga unga yangi shartnoma taklif qilishiga to‘sqinlik qilmoqda.
«Chelsi» futbolchi bilan shartnomani uzaytirish bo‘yicha muzokaralarni Roman Abramovichga Buyuk Britaniya hukumati tomonidan sanksiya qo‘yishdan oldin boshlashni rejalashtirgandi.
23 yoshli Meyson Maunt haftasiga 70 000 funt sterling maosh oladigan «ko‘klar»ning eng kam maosh oluvchi futbolchilaridan biri hisoblanadi.
Maunt joriy mavsumda «Chelsi» safida 29 ta o‘yinda maydonga tushib, 10 ta gol va 9 ta golli uzatmani amalga oshirdi.
