«Астон Вилла» «Ливерпуль» ҳимоячиси Жо Гомесга қизиқиш билдирмоқда. Футболчи мерсисайдликлар сафида етарли ўйин амалиётига эга бўлмаяпти. Ҳимоячи жорий мавсумда «Ливерпуль» сафида АПЛ доирасидаги атиги 7 та ўйинда майдонга тушди.
Жо Гомеснинг «қизиллар» билан амалдаги шартномаси 2024 йилнинг 30 июнига қадар амал қилади. Трансфермаркт маълумотларига кўра, футболчининг трансфер қиймати 22 миллион еврони ташкил қилади.
Умуман олганда, жорий мавсум ҳимоячи мерсисайдликлар сафида барча турнирлар доирасидаги 20 та ўйинда майдонга тушган ва битта голли узатмани амалга оширди.
