Мадриднинг «Реал» клуби ҳужумчиси Карим Бензема клубнинг Испания чемпионатидаги эрта ғалабаси ҳақида фикр билдирди.
«Дунёнинг энг яхши клуби учун яна бир соврин. Жамоага машаққатли меҳнати учун, мухлисларга эса қўллаб-қувватлаганликлари учун миннатдорчилик билдираман. Ҳали бошқа мақсадларимиз бор. Hala Мadrid!», — деб ёзган Бензема ўзининг твиттер саҳифасида.
34-тур ўйинида «Реал Мадрид» «Эспаньол»ни 4:0 ҳисобида мағлуб этди ва Ла Лигада муддатидан олдин чемпионликни қўлга киритди.
Жорий мавсумда Бензема «қаймоқранглилар» сафида 42 та ўйин ўтказиб, 42 та гол уришга эришди.
Чемпионлар лигасининг биринчи ярим финал учрашувида «Реал» «Манчестер Сити»га имкониятни бой берди (3:4). Жавоб ўйини 4 май куни бўлиб ўтади.
