Madridning «Real» klubi hujumchisi Karim Benzema klubning Ispaniya chempionatidagi erta g‘alabasi haqida fikr bildirdi.

«Dunyoning eng yaxshi klubi uchun yana bir sovrin. Jamoaga mashaqqatli mehnati uchun, muxlislarga esa qo‘llab-quvvatlaganliklari uchun minnatdorchilik bildiraman. Hali boshqa maqsadlarimiz bor. Hala Madrid!», — deb yozgan Benzema o‘zining tvitter sahifasida.

34-tur o‘yinida «Real Madrid» «Espanyol»ni 4:0 hisobida mag‘lub etdi va La Ligada muddatidan oldin chempionlikni qo‘lga kiritdi.

Joriy mavsumda Benzema «qaymoqranglilar» safida 42 ta o‘yin o‘tkazib, 42 ta gol urishga erishdi.

Chempionlar ligasining birinchi yarim final uchrashuvida «Real» «Manchester Siti»ga imkoniyatni boy berdi (3:4). Javob o‘yini 4 may kuni bo‘lib o‘tadi.