«Реал Мадрид» президенти Флорентино Перес ҳужумчи Карим Бенземанинг жорий мавсумдаги ўйини ҳақида ўз фикрларини билдириб ўтди.
«Бензема бу йил ва мен клубга келганимдан бери яхши ўйин кўрсатажи. Бу йил у «Олтин тўп»ни олиши керак, шубҳасиз. Улар буни ундан тортиб ололмайдилар», — деди Перес Movistar+ нашрига.
34-тур ўйинида «Реал Мадрид» «Эспаньол»ни 4:0 ҳисобида мағлуб этди ва Ла Лигада муддатидан олдин чемпионликни қўлга киритди.
Жорий мавсумда Бензема «қаймоқранглилар» сафида 42 та ўйин ўтказиб, 42 та гол уришга эришди.
