«Реал Мадрид» президенти Флорентино Перес клуб бош мураббийи Карло Анчелоттининг жамоадаги роли ҳақида гапирди.
«Анчелотти билан суҳбат чоғида у менга кўплаб жамоаларни бошқарганини ва «Реал»нинг бошқа клублардан фарқи шундаки, бу ердагилар ҳақиқий мадридлик футболчилар эканлигини айтди. Бу катта ютуқ.
Карлонинг ўзи эса «Реал Мадрид»нинг қадриятларини ўзида мужассам этган. Бу мураббий учун жуда муҳим», - дея Переснинг сўзларини келтиради Маrcа.
Испания чемпионатининг 34-туридан ўрин олган ўйинда «Реал Мадрид» «Эспаньол»ни 4:0 ҳисобида мағлуб этди ва Ла Лигада муддатидан аввал чемпионликни қўлга киритди. Мадридликлар учун бу Испаниянинг 35-чемпионлиги бўлиб, рекорд кўрсаткич ҳисобланади.
Маълумот ўрнида, Мадриднинг «Реал» клуби Чемпионлар лигаси ярим финалининг биринчи ўйинида «Манчестер Сити»га 3:4 ҳисобида имкониятни бой берди.
