Италия чемпионатининг 35-тури доирасида «Ювентус» ўз уйида «Венеция»ни қабул қилиб, қийин ғалабага эришди.

Биринчи бўлимда туринликлар ташаббусни ўз томонларида ушлаб туришди. Баҳснинг 7-дақиқасида мезбонлар қанотдан жарима зарбасини амалга оширишди. Маттейс де Легт жарима майдонига етказилган тўпни бош билан дарвоза яқинига етказди. Бонуччи яқин масофадан ҳисобни очди.

Иккинчи бўлимда меҳмонлар Арамунинг голи эвазига ҳисобни тенглаштиришди. Аммо орадан 5 дақиқа ўтиб яна ўша Леонардо "Юве"ни ҳисобда олдинга олиб чиқувчи гол муаллифига айланди. Бу сафар бурчакдан туп узатилгач берилган зарбани дарвозабон қайтарди. Бонуччи эса дарвоза чизиғи олдидан тўпни дарвозага жойлаб қўйди.

«Ювентус» ушбу ғалаба туфайли ўз очколарини 69тага етказди ва жамоа энди А серияда амалда 4-поғонадан пастга тушиб кетмайди.

Италия А серияси, 35-тур
Ювентус – Венеция 2:1 (1:0, 1:1)
Голлар: 1:0 – 7 Бонуччи, 1:1 – 71 Араму, 2:1 – 76 Бонуччи.
Ювентус – Шченсни, Бонуччи, Данило, де Лигт, Пеллегрини (Алекс Сандро, 58), Рабьо, Закария, Миретти (Артур, 79), Бернардески (Дибала, 58), Мората (Кин, 69), Влахович (Кьеллини, 79).
Венеция – Мяенпяа, Матею (Окереке, 86), Кальдара, Чеккарони, Ампаду, Хапс (Улльманн, 86), Вакка (Фьордилино, 37), Чрнигой (Перец, 64), Кюизанс (Кийин, 46), Араму, Анри.
Огоҳлантиришлар: Закария (25), Пеллегрини (45), Кийин (56), Араму (61), Алекс Сандро (63), Хапс (78).