"Барселона" "Бавария" ҳужумчиси Роберт Левандовскига қизиқиш билдирмоқда. Каталония клуби унга 3 йиллик шартнома таклиф қилишга ёки 2+1 схемаси бўйича шартнома имзолашга тайёр, дея хабар беради журналист Фабрицио Романо.
Аммо ҳозир "Барса" футболчининг агенти ва Мюнхен клуби ўртасидаги музокаралар натижасини кутмоқда.
Олдинроқ "Бавария"да бир қатор молиявий муаммолар борлиги, шу боис клуб футболчининг маошини ошира олмаслиги ҳақида хабар берилганди.
Маълумот учун, Левандовски немис клубида 2014 йилдан бери тўп тепиб келмоқда. 2021/22 йилги мавсумда форвард жамоаси сафида 43 та ўйинда майдонга тушиб, 48 та гол урди ва 6 та голли узатмани амалга оширди. Унинг шартномаси 2023 йилда якунига этади.
