Англия премьер-лигасининг 35-туридан ўрин олган сўнгги ўйинда "Манчестер Юнайтед" "Брентфорд"ни йирик ҳисобда мағлуб этиб, рақиб дарвозасига жавобсиз учта гол урди. “Қизил иблислар”нинг португалиялик ярим ҳимоячиси Бруну Фернандеш жамоаси яхши ўйнагани, чунки мавсумни ижобий натижа билан якунлаш ниятида эканлигини тушунтирди.
"Мавсумдаги сўнгги уй ўйинида биз яхши натижа ва яхши ўйин бўлишини хоҳлагандик. Мавсум энг яхшиси бўлмади, лекин охирги ўйинни яхши ўтказиш керак эди.
Клуб мухлислари биздан фарқли ўлароқ, доим тепада эди. Энди келаси мавсум ва мумкин бўлган ғалабалар ҳақида ўйлаймиз", - дея футболчининг сўзларини келтиради Sky Sports.