"Аталанта" бош мураббийи Жан Пьер Гасперини журналистларга жамоасининг сўнгги муваффақиятсиз ўйинлари ҳақида гапириб берди.

Тажрибали мутахассис бергамоликлар жамоаси футболчиларининг руҳи толиққанлигини, авваллари бундай бўлмаганини айтди. Гасперинининг таъкидлашича, бергамасклар ўйинни яхшилашга муваффақ бўлгандек, аммо жамоа гол ўтказиб юбориши биланоқ у парчаланиб кетади ва куч тўплай олмайди. Мураббий "Аталанта"нинг узоқ вақт юқори савияда қолиши жуда қийинлигини қўшимча қилди.

А Сериянинг сўнгги ўйинида Гасперини шогирдлари "Салернитана" билан очко бўлишди. Айни дамда Бергамасклар турнир жадвалида саккизинчи ўринда бормоқда.