Шу йилнинг 1– 17 ноябрь кунлари Бирлашган Араб Амирликларида бўиб ўтадиган Ёшлар (U19) ўртасидаги Осиё чемпионатида қатнашувчи жамоаларни 4 гуруҳга ажратувчи қуръа 13 май куни Дубай шаҳрида ташланади.
Турнирда қатнашувчи 16 та терма жамоа 4 та саватчага бўлиб чиқилган. Хитойнинг Зибо шаҳрида бўлиб ўтган аввалги (2010 йилги) қитъа чемпионатида чорак финалда Саудия Арабистонига ютқазиб, ЖЧ йўлланмасини қўлдан чиқарган Ўзбекистон ёшлар терма жамоаси 2-саватчадан ўрин олди.
Қуръа учун саватлар қуйидагича тақсимланган:
1-САВАТ: БАА (Мезбон), КХДР (Чемпион), Австарлия, Жанубий Корея;
2-САВАТ: Саудия Арабистония, Япония, Ўзбекистон, Хитой;
3-САВАТ: Сурия, Эрон, Вьетнам, Таиланд;
4-САВАТ: Иордания, Ироқ, Қатар, Кувайт.
Демак, Аҳмаджон Мусаев мураббийлиги остидаги Ўзбекистон ёшлар терма жамоаси Саудия Арабистония, Япония ва хитойлик тенгдошлари билан гуруҳ босқичида дуч келмаслиги ҳозирча аниқ.
